نشرت منظمة هيومن رايتس مونيتور رسالة من معتقل بسجن الأبعادية يصف فيها اعتقال مواطن أمريكي بالخطأ معهم.

وبينت الرسالة كيف تم التعامل مع المواطن الأمريكي بأدب واحترام فقط لأنه أمريكي.

نص الرسالة


 أرسل احد المعتقلين بـ #سجن_الابعادية رسالة يصف فيها اعتقال مواطن أمريكي معهم بالخطأ وكان هذا هو نص الرسالة:

"الحمد لله رب العالمين والصلاة والسلام علي خير الخلق اجمعين وبعد

اكتب إليكم قصة في منتهي المأساة . حصلت في سجن الابعادية بدمنهور

قصة حقيقية وليست من تأليفي .. تنم عن مأساة مصر والمصريين وخاصة المحبوسين . ” إبراهيم ” : معتقل من رشيد في سجن الابعادية ، المشكلة إن ابراهيم عاش في امريكا اكتر من 12 سنة ، واخذ الجنسية الامريكية ، تم اعتقاله بطريق الخطأ وتم الحكم عليه كمان المهم أهله قدموا للسفارة ما يثبت انه ” مواطن امريكي ” معتقل ، وبالفعل بعتوا موظف من السفارة الامريكية ، وموظف مصري وموظف امريكي عشان يتفقدوا أحوال إبراهيم ، المهم دخلوا السجن لمكتب رئيس المباحث وظابط الامن الوطني ، وبعتوا جابوا ابراهيم من زنزانته ، جه ابراهيم ودخل المكتب ورئيس المباحث واقف علي رجله وموظفين السفارة قاعدين ، كلموا الظابط بخشونة وأن ازاي يسجنوا مواطن اممريكي كل الفترة دي ، والخوف والرعب سيطر علي رئيس المباحث وضابط الامن الوطني في الوقت ده ..

موظف السفارة لإبراهيم ” اقعد علي أي كرسي يعجبك ” بغطرسة ” ابراهيم قعد علي انضف كرسي وحط رجل علي رجل كمان وده في حضور رئيس المباحث وظابط الامن الوطني ” اللي لسه واقفين ” قالوله انت مواطن امريكي مش مصري . في حد مزعلك هنا ؟ في حد مضايقك ؟ حد بيكلمك بطريقة مش كويسة ؟ !

ابراهيم قال علي كل اللي بيحصل طبعاً ، ورئيس المباحث ركبه بتخطب علي الجيران ” المهم الظابط قاله ” لو عايز أكل مخصوص يجييلك ، لو عاوز تليفون تعالي هنا المكتب واتكلم طول النهار ، وأمر له بلبس وبطاطين ، ومعاملة خاصة جداً ، ده كله بعد ما موظف السفارة الامريكية شد عليهم لأن ابراهيم مش مصري بس ، ده مصري ” أمريكي ” لأن ابراهيم ابن رشيد صاحب ال 40 سنة مواطن امريكي وسلملي علي مصر ومتنساش إن قائد الاسطول السادس الامريكي محبوس لحد انهارده ، نسيت أقولكم : ظابط الامن الوطني قاله ” اعمل استشكال وهتطلع علي طول انت هنا مش مصري أنت امريكي !!