كتب - خالد سليمان :
في إطار حرص السيد الرئيس محمد مرسي على التواصل مع الشباب يستقبل السيد الرئيس استفسارات وتساؤلات شباب مصر، وذلك عبر حسابه على موقع التواصل الاجتماعي تويتر.
نأتيكم بملخص لأهم الأسئلة التي طرحت على السيد رئيس الجمهورية واهم إجابات سيادته عليها :
سؤال : المواطن يزداد فقرا .. ماهى الحلول السريعه التى ستتخذها لرفع معيشه المواطنين ؟
إجابة الرئيس : كل الاجراءات الاقتصادية تدور حول العدالة الاجتماعية والمواطن البسيط.
سؤال : المغتربين ينتظرون منكم الكثير حقيقي لا نشعر بفارق في التعامل في السفارات لان كلهم كما كانوا يجب تغيير الاطقم بالكامل وتغير؟
إجابة الرئيس : المغتربين كرامتهم من كرامة مصر و حقهم على راسي دايما.
سؤال : عايزين تغيير شامل في نظام الصحة مش بس تأمين صحي .. لازم نظام يضمن تدريب و تعليم للطبيب عشان يعرف يدي صح و يخدم المريض صح ؟!
إجابة الرئيس : أتفق معكي وسيتم مراجعة وزارة الصحة للتأكيد على أولوية برامج تدريب وكفاءة الأطباء.
سؤال : لماذا الاصرار على تعيين الاخوان او محبين للاخوان فى مفاصل الدوله وهذا لا يحدث فى معظم الدول الديمقراطيه ؟
إجابة الرئيس : لو عندك واقعة عن حد اتعين بدون وجه حق ارسل لي مباشرة و وعد مني احقق و اصحح.
سؤال : هو ليه حضرتك مش بتتكلم مع الناس أكتر بطريقة غير رسمية .. احكيلهم عن ملفات الفساد اللى شفتها .. اديهم أمثلة من غير ذكر أسماء ؟
إجابة الرئيس : كل وقت و له أدان و ده وقت الشغل وتوحيد أبناء مصر مش تفتيح جروح.
سؤال : ليه مركز دايما مع شباب الثورة وبتاخد موقف ضدهم في حاجات كتيرة ومش بتسمعلهم
بعكس الفلول؟
إجابة الرئيس : شباب الثورة لهم مني كل تقدير و هو التويتر ده مش رسالة مني لكل الشباب؟
سؤال : ياريس شباب حركة احرار محبوسين بسبب انهم راحو ينصروا اختهم جهاد اللى ماتت فى جامعة المنصورة واتلفقلهم قضايا؟
إجابة الرئيس : يا شباب قلتها و كررتها مش هاسمح بظلم حد من أولاد مصر و هاشوف الموضوع ده بنفسي.
سؤال : لية سيادتك لا تهتم بالعشوائيات التي انتشر فيها كل شي من الفقؤ و البطالة و البلطجة نرجوك اهتم بالعشوائيات؟
إجابة الرئيس : مين قال إني مش مهتم .. أهل العشوائيات أهلي و احتا طورنا ٦٨ عشوائية السنة دي و البقية تأتي.
سؤال : ما هى خططتكم لحل ازمة انقطاع الكهرباء؟؟ و متى يبداء مشروع تنمية قناة السويس؟
إجابة الرئيس : هناك مجموعة وزارية تعمل ليل نهار لتفادي الانقطاع المتكرر في شهور الصيف و تنمية القناة على وشك البدء.
