تقول زوجة المعتقل "علي الجمل" :

زوجى
اسمه علي امين علي الجمل
متاخد من يوم 6\ 2 \٢٠١٦
زوجى فاقد النطق من ٤ سنين
اتاخد واخد ١٥ يوم
وفي الاستئناف اخد اخلاء بكفاله ٥ الاف جنيه
بعدها اختفي اكترمن١٧ يوم ابتداء من يوم ١٩\٢\٢٠١٦
اتفجأنا انهارده انه بيتعرض في قضيه جديده
زوجى متعذب ومتبهدل ومن كتر العذيب مش قادر يصلب طوله
زوجى شوفناه كان متشال يعني مش بيمشي علي رجله
والظابط الي اسمه حسن ابو المجد واقف بيبصله كأنه بيحذره اياك تقول حاجه
والظابط بيقولنا احنا واخدينه مش بيمشي ومش بيتكلم

وتقول نجلته :

الحريه لابي
بعد 16يوم من اخلاء سبيل بابا واخفاؤه بعد دفع كفاله 5000 جنيه بابا اتعرض انهردا عرض مفاجئ فى قضيه تانيه !

روحنا عشان نشوف بابا فى مجمع المحاكم نخطف نظره منه ونطمن عليه اتفاجأنا انه مش بيمشي خارج م المكتب واحد بيجره وبابا مش قادر يدوس على رجله !
لما شوفناه بالمنظر دا صرخنا وقولنااله مالك ي بابا فى ايه شاورلنا يطمنا قعدت ازعق و اقول عملتو فى ايه العسكرى يرد يقولنا فى ايه انا عمال اشيل واحط فيه والاخر تزعقوا احنا واخدينه كداا مش بيمشي !!
وهو نازل م المجمع عشان يروح القسم جبناله الاسانسير و جابوا اتنين عساكر وشالوه لحد عربيه الترحيلات واترمى فيها !
بابا مكنش قادر يعدل نفسه حتى عشان يدخل العربيه
بابا كان بيحاول يدارى التعب بس كل حاجه فيه كانت بتتآلم !
الجدير بالذكر ان بابا اتعرض من غير محامى لان العرض مفاجئ

بابا مش صغير بابا عنده 51 سنه غير كدا بابا تعرض لصدمه نفسيه شديده وحالته ساءت بعد فض رابعه وفاقد النطق من وقتها بابا بقاله 4 سنين مش بيتكلم واخدينه ليه !

بابا داخلكم سليم عملتوا فى ايه