تصدرت هاشتاجات #أهلاوي_ومقاطع و#قاطع_الأهلي و#قاطعوا_الأهلي و#قاطع_مشروب_الدم منصات التواصل الاجتماعي في محاولة شعبية لإثناء إدارة النادي الأهلي الرياضي عن رعاية شركة (كوكا كولا) للمشروبات الغازية لأنشطة النادي الرياضية أسوة بحملة ناجحة نظمها مشجعي النادي الزمالك طالبت ونجحت في تخلي النادي الأبيض عن رعاية الشركة ذاتها..
وعلى "فيسبوك" قال "حسام الشاعر": "زمان من وأنا صغير .. كنت بحب الأهلي حب جنون ..مفيش حاجة اسمها أفوت ماتش للأهلي حتى لو بيلاعب أخير الدوري.. مانساش ماتش الصفاقسي مع خالي محمود الله يرحمه وجول أبوتريكة .. مانساش ٦-١ بتاعت الزمالك ولا ٦-٠ بتاعت الاسماعيلي .. كنت كبير وأكتر حاجة ممكن تنكد عليا هي خسارة الأهلي .. وكنت بفرح لما يكسب علشان ببقى مطمن إن أبويا هينام فرحان.. أنا مقاطع الأهلي في كل الرياضات لأنه ببساطة بيدعم اللي بيقتل أهلي".
وظهر عضو مجلس إدارة الأهلي عدلي القيعي وهو يطالب جماهير الأهلي أنها تقبل علي شراء منتجات الرعاة (كوكاكولا) و(ليبتون) وكلتا الشركتين من رعاة الاحتلال.
جمهور الأهلي
وأضاف محمود (Mahmoud Fouad)، "جمهور الاهلي عامل عظمه اوي موقف وطني هتتحسب له تاريخيا . مش مهم النتيجه لأنهم مش اصحاب قرار . وافتكر صعب لتركيبه المجلس الاقتصاديه التراجع . بس كفايه الضمائر اليقظة . كلامي مخصوم من (لجان المجلس ) اعرف بعضهم تلاقي سيل بوستات علي الفاضيه والمليانه بس ساكتين دلوقتي .".
وتابع: "خلص ضميرك طظ في الكوره بلا اهلي بلا زمالك بلا زفت دي قضيتنا المركزيه الاولي ده الصراع الازلي اللي أجيال منا لو بعد سنين هتحسمه. #قاطع_مشروب_الدم".
وطالب إيهاب (Ehab Abass)، "إلغي متابعة اي حاجة خاصة بالاهلي .. انستا تويتر فيس بوك ما تتفرجش على ماتشاته بطل تشجعه .. الموضوع مش ترند ومش بالمزاج .. الموضوع دم وأرض وعِرض ".
وكتب أحدهم "لن ننسى .. ولن نوقف المشاركة .. فلسطين حرة .. We will Never forget .. We will NEVER stop sharing.. ᖴᖇᗴᗴ ᑭᗩᒪᗴSTIᑎᗴ !!🇵🇸".
وكتبت "رانيا هاشم"، "بحب الأهلي.. لكنه ولاء وبراء.. لذا فأنا بريئة من هذا النادي حتى يعود لمساندة الحق وليس المال.. #قاطعوا_الأهلي".
وعلق شعبان (Shaaban Ali)، "اومال انت فاكر تركي ال الشيخ بيجر معاكم ناعم ليه.. تشيرتات مجانية وهدايا الخ .. القوه الناعمة في البلد الأهلي اللي هيخلي اكتر من ٧٠ مليون مصري يطبع ويدُور في دوامة التبرير زي العقد ممضي من زمان والشرط الجزائي كبير ودي فاتحة بيوت ناس و و و.. بيوت إيه دي اللي تتفتح من لحم ودم أطفال ونساء المسلمين !!..".
وأضاف "أسأل الله أن يستعملكم ولا يستبدلكم.. *احنا كلامنا العقد لسه شغال لي لغيت دلوقت.. ولو مشاعرك تجاه النادي اكبر منها تجاه اخواتك راجع نفسك".
وأشار غاندي (Ghandi Antar) إلى أن "الأهلي ليس أعز علينا من غزة والأقصى. إما إلغاء التعاقد أو المقاطعة؟.. #الأهلي .. #قاطع_الاهلي".
الصحفي علاء البحار كتب أن "تسويق الأهلي لمنتجات داعمي الاحـ.تلا.ل عار".
حساب Ahly Sarcasm Society على فيسبوك ".. اوعي يصاحبي تسمع كلام عدلى القيعي وتروح تشتري المنتج الأجنبي وتبيـ ـع اخواتك فى الناحيه التانيه ، الاهلي مش هينفعك ولا هو أهم منهم عدلى واللى زيه مش هيفرق معاهم حاجه بالعكس هو "شخصياً" نفسه بكره كل منتجات الشركات تتباع ومش مهم اي حاجه تانيه حتي لو كانت على حساب اهلك ، عندك منتجك المحلي المصري مضمون وافضل بكتير واهي إيراداته فى الاخر هتروح لواحد منك..".
وأضاف، "من حقك ياعم عدلى تنصح الناس تشترى واحنا من حقنا نقولك لا مش هننسي اهلنا وأخو اتنا سهله وبسيطه..".
https://web.facebook.com/photo/?fbid=774211021473910&set=a.522415376653477
وحذر مصطفي خلف، على فيسبوك من أنه "في خلال ال٤٨ الساعة الجاية لو الأهلي مافسخش تعاقده مع شركة كوكا كولا وليبتون هيكون عدوي للأبد.. ياريت جمهور الأهلي كله يضغط عليه الموضوع مش بسيط بل ده كارثة.. Al Ahly SC.. انشروها يا جماعه جزاكم الله خيرا.. اومال ازاي نادي المبادئ ولا هيه شعارات وخلاص.. استقيموا رحمكم الله".
ولفت إلى أن "المبدأ واحد أن الأهلي متعاقد مع شركات تدعم الكيان الصهيوني الصوره قديمه بس العقد صحيح والموضوع مستمر حتي سنه 2025 هانت يعني بس وجب التنويه ورمي حجر في المياه الراكده عرض أقل".
https://web.facebook.com/photo/?fbid=980457103455468&set=a.134699374697916
وتعليقا على تصريح لرئيس شركة الأهلي لكرة القدم عدلي القيعي يثير الجدل على منصات التواصل لدعوته جماهير الأهلي خلال مؤتمر صحفي بالإقبال على منتجات رعاة النادي، علق
الإعلامي أسامة جاويش @osgaweesh، "أنا أهلاوي ومقاطع رعاة النادي الأهلي.. وعدلي القيعي ميبقاش جلدك تخين وتتقمص دور تركي الشيخ خلي عندكم دم!..".
http://https://twitter.com/osgaweesh/status/1782860482661015604
