الناشط السياسي د. ياسر نجم ، عبر فيس بوك :

شوف يا مؤمن اللفة بتلف ازاى ومربوطة بخيط ازاى...
أمريكا خفضت سعر البترول علشان توقع الإقتصاد الروسي..
الإقتصاد الروسي لما وقع..روسيا قررت انها توقف تصدير القمح..وتوجه كل الإنتاج للسوق المحلي...بما فيه كل اللى تعاقدوا عليه بالفعل..
مين أكتر بلد هاتتضرب بالموضوع ده ؟
مصر...
(ده كلام رسمي مش تكهنات منى)...
ليه بقى يا سيدي ؟
علشان نص القمح المصري بالظبط بنستورده من روسيا..
يعنى نص احتياجك من القمح والخبز طار...
طب هل احنا كنا طول عمرنا بنستورد نص قمحنا من روسيا ؟؟!!
بالطبع لأ...
ده كان قرار من السيسي ...علشان يتمحلس لبوتين ويقرص على أمريكا...علشان تدى له ال10 طيارات يضرب بيهم سينا..
وقبلها كان 70% من القمح بييجى من أمريكا..
وده كمان علشان عندنا وزير تموين حمار...كان بيتتريق على سعي مرسي وباسم عوده للإكتفاء الذاتي من القمح..وبيقول انه أحسن لنا نبقى أكبر مستورد..وده هايخللى الدول تتنافس على التقارب معانا...علشان نشترى منها..

المهم علشان العلقة تبقى علقتين...
الموضوع ده أدى لإرتفاع أسعار القمح عند كل المصدرين التانيين..وهاتشترى بدل القمح الروسي بسعر الطاق طاقين...
وعلشان العلقة تبقى تلاتة..هاتشترى بعد ما الدولار سعره ولع..وهاتخسر فرق سعر القمح وكمان فرق سعر الدولار..
وعلشان العلقة تبقى أربعة..الكلام ده جه بعد ما سددت الوديعة القطرية والإحتياطى الأجنبي بتاعك بقى فى الأرض...
وعلشان العلقة تبقى خمسة..الكلام ده جه بعد ما ظبطت ميزانيتك على كده ومابقاش عندك بند للمصيبة دى..وكمان ابتديت تسحب على المكشوف علشان تدى الناس فوايد قناة السويس..بدون ما المشروع يدر أى ايراد يعوض ده...
طب خد دى كمان..علشان العلقة تبقى سته..دول الخليج مش هاتدي لك حاجه دلوقتى ببلاش بعد ما سعر البترول وقع..وهم نفسهم بيسحبوا من الإحتياطى الأجنبي بتاعهم...
لو ادوا لك حاجه..هاياخدوا حته من البلد قصادها..ولسه قطر داخلة تاخد نصيبها قصاد المصالحة..
أغبيا وخونة ومختوم على قلوبهم وعقولهم.. والأهم: إن الله لا يصلح عمل المفسدين..