نافذة مصر

تداول نشطاء على موقع التواصل الاجتماعي "فيسبوك" شهادة لأحد أمناء الشرطة بحق جمال العشري القيادي بالحريه والعدالة المعتقل حاليا على يد الانقلابيين بتهمة الارهاب، وأكد في شهادته أن العشري وقف إلى جواره وساعده في محنة ألمت به وذلك دون أدني معرفة سابقة به ودون حتى أن يراه.

ونورد شهادته بنصها دون اي تعديل كما تناقلها النشطاء:

"انا عايز اقول شهاده لله انا امين شرطه عايز اقول شهاده فى حق الحاج جمال العشرى عضو مجلس الشعب السابق عن الاخوان المسلمين عن دائره العمرانيه وبولاق الدكرور والذى تم القبض عليه مع محمد البلتاجى وخالد الازهرى اقسم بالله اللى حصل ده معايا شخصيا انا زوجتى وضعت فى مستشفى الاسلاميه بالعمرانيه وتم حجز ابنى بحضانه المستشفى شهرا كاملا وحساب اليوم داخل الحضانه 500 جنيه مبئيتش عارف اعمل ايه لفيت على جميع المستشفيات الحكوميه لم اجد مكان واحد لابنى فاتصل عليا معاون مباحت كنت اعمل معه للاطمئنان على ابنى فحكيت له فقال لى انا هكلم واحد وهخليه يكلمك تانى يوم كلمنى واحد وسالنى انت اللى ابنك محجوز قولتله انا فقالى انا الحاج جمال العشرى روح المستشفى وكلمنى روحت المستشفى وكلمته من جمب مدير المستشفى فكلمه وعرف التفاصيل بتاعت ابنى وبعد كده كلمنى وقالى ادفع عادى لحد خروج ابنك وملكش دعوه بعد شهر خرج ابنى ورحت ادفع الفاتوره وكانت 15000 جنيه لقيت الخزنه رجعتلى 9 الاف جنيه وخدت 6الاف بس فقلت ليه فقالولى الحاج جمال عمل الواجب وده اللى حصل معايا بالظبط بيتهيئلى ان الارهابين مبيعملوش كده مع انى روحت مستشفى الشرطه بتاعتى وقالولى زمايلى من الاخر هنا لاولاد الظباط بس يارب فك اسره وديئته ورجعه لاهله سالم بحق اللى عمله مع ابنى رجاء خاص عدم ذكر او اظهار اسم الصفحه الخاصه بى ولكم حريه نشرها للجميع وشكرا"