نافذة مصر
ليه الوزارة مافيهاش شباب زى ما وعدوا ؟
ليه الحد الأدنى والأقصى ماتنفذوش زى ما وعدوا؟
ليه فلوس قطر حرام وفلوس السعودية حلال ؟
ليه الجيش صبر على مبارك 18 يوم وماصبرش على مرسى 3 ايام ؟
ليه ولا واحد من الارهابيين من بتوع الاخوان وهو بيتقبض عليه ما ابداش اى مقاومة على غير عادة الارهابيين ؟
ليه مفيش اى اخبار عن تفجير المنصورة اللى كان من كام شهر ؟
ليه الشئون المعنوية صورت بالطيران ووزعت على الفضائيات من اول يوم 30 فى حين لحد الآن ماشفناش صور الجيش لثورة 25 يناير
اللى كانت بالطيران برضه ؟
ليه مرسى بيتحاكم بعد اكتر من شهر على خطفه بدون اى تهمة وبعد كده طلعوله تهمة التخابر ؟
ليه البرادعى استقال ؟
ليه بيتم حبس اى صوت منافى ليهم ؟
ليه يقتل الاف الناس فى رابعة فى حين لسة فى خيم فى التحرير ؟
ليه زى ماقدر يشيل مرسى ما اجبرهوش على استفتاء وكان يقدر يعملها؟
ليه حبس اسامة ياسين ومطلوب القبض على باسم عودة اللى السيسى نفسه قال انا كان نفسى الدكتور باسم يقبل الوزارة وانا عرضت عليه لانه من الوزراء الأكفاء ؟
ليه ماطلعوش السلاح التقيل اللى كان فى رابعة وايه اخبار المقبرة الجماعية ؟
ليه مفيش حد من الاخوان الارهابيين اللى ولعوا فى الكنائس ماتمسكش لحد دلوقتى والا الكنائس نزل عليها غضب ربنا وولعت لوحدها؟
ليه كل الاعلاميين اللى كانوا مع مبارك هما اللى متصدرين المشهد دلوقتى ؟
هو معقول قطاع غزة اللى فيه مليون ونص بنى ادم يعنى ربع المنيا او اقل هو اللى كان عامل ازمة البنزين والسولار ده مع افتراض انى غرقتهم
بنزين وسولار !!!!!
هو ليه الأهرام كتبت نكسة يناير ؟
ليه العلاوة 15% بتاعة مرسى اتلغت ؟
الاجابة لان لسة فى ناس مؤمنة بان كرههم للإخوان فضيلة ستدخلهم الجنة بغير حساب وان السيسى حرر مصر من جنكيز خان وان ثورة يناير هى النكسه فعلاً